Cystadleuaeth i offerynwyr clasurol Cymreig rhwng 20 a 30 oed.

16 MAI 2025 

Eglwys Gymraeg Canol Llundain

Eastcastle Street, W1W 8DJ

Mae’n bleser gan Ŵyl Cerddoriaeth Gymreig Llundain gyflwyno Cystadleuaeth Offerynnwr Ifanc Cymreig Llundain.

Fel rhan o nod yr ŵyl i feithrin artistiaid unigol y dyfodol,  hoffem wahodd offerynwyr rhwng  20 a 30 oed, sydd hefo cysylltiad â Chymru, i gymryd rhan yn y gystadleuaeth newydd yma ar 16 Mai 2025. 

Mae’r gystadleuaeth yn cynnwys dwy ran: Rhagbrofion a Rownd Derfynol. 

Rhagbrofion

Gwahoddir ymgeiswyr llwyddiannus i berfformio tri darn o gerddoriaeth yn y rhagbrawf. Bydd y beirniaid yn dewis hyd at bump ymgeisydd i fynd ymlaen i’r rownd derfynol. 

Cynhelir y rhagbrofion yn ystod dydd Gwener 16 Mai yn Eglwys Gymraeg Canol Llundain, Eastcastle Street. 

Rownd Derfynol

Gwahoddir yr ymgeiswyr llwyddiannus i berfformio dau ddarn o gerddoriaeth yn ystod cyngerdd Noson y Corau, rhan o Wŷl Cerddoriaeth Gymreig Llundain, lle bydd yr enillwyr yn cael eu dewis. Mae mwy o wybodaeth am yr ŵyl yma.

Cynhelir y rownd derfynol a cyngerdd Noson y Corau am 7pm nos Wener  16 Mai yn Eglwys Gymraeg Canol Llundain, Eastcastle Street.

Gwobrau

Bydd pedair gwobr yn cael eu dyfarnu yn ystod y cyngerdd: gwobr 1af hyd at £1500 ynghyd â 2il a 3ydd wobr a gwobr y gynulleidfa.

Beirniaid

Y beirniaid fydd Owain Arwel Hughes CBE, Dr. Rhiannon Mathias a Meurig Bowen.

I ymgeisio, cwblhewch y ffurflen gais yma. 

• Pris mynediad - £20.

• Dyddiad cau ar gyfer ceisiadau - 1 Ebrill 2025

Gallwch ddod o hyd i amodau’r gystadleuaeth yma. 

Os ydych yn cael trafferth agor y ffurflen ar lein, gallwch lawrlwytho fersiwn ‘Word’ yma. a’i ebostio ynghyd â’ch CV perfformio a recordiad sampl i: lwyinstru@gmail.com

Am fwy of fanylion, cysylltwch â ni yma: lwyinstru@gmail.com